Vexo claro favorito a Arxentina A aínda que Brasil B demostrou ter a suficiente pegada coma para dar algún susto que outro. Espero que gañe “la albiceleste” porque non é bo para o fútbol que saia campioa unha selección adestrada por Dunga.

Sobre a gran pregunta… Antes de nada cabería preguntarse que teñen en común ambos equipos: un estilo de xogo ben definido e o rigor táctico. Isto conséguese con anos de traballo sobre un mesmo bloque.
As seleccións inferiores non teñen esa continuidade, rapaces que van quedando polo camiño, xogadores que por idade teñen que saltar á categoría seguinte namentres outros compañeiros aínda quedan, concentracións curtas… as condicións non son as axeitadas para desenrolar o seu tipo de xogo e non son países que destaquen polos seus talentos individuais, todo o contrario ó fútbol de rúa de Arxentina e Brasil ou os equipos africanos de futbolistas talentosos (non tanto coma os sudamericanos) e fisicamente moi fortes (segundo baixamos de categoría a diferenza física faixe máis notable), estilo similar ós equipos de Centroeuropa (Polonia, Austria e Rep. Checa), que basean o xogo no físico e na habilidade das súas estrelas. Francia (que non foi a Canadá) e España, teñen boas estruturas de base que se traducen en seleccións moi competitivas.

Saúdos

Estráñame de todos os xeitos o caso alemán porque teñen un físico moi poderoso e seguindo a regra de tres de Centroeuropa podían tamén comerse algún rosco, non?

Aínda que estean moi preto as seleccións centroeuropeas que comentaba non se parecen demasiado a Alemaña, dan máis espazo a creatividade dos seus xogadores pero iso que tan bos resultados lles dá cos rapaces non resulta cos maiores. Exemplo claro a Rep. Checa de Inglaterra, que cun equipo moi disciplinado tacticamente, sen lugar para o talento (o único que tiña algo de liberdade era Poborsky), plantouse na final e nos últimos anos unha selección moi talentosa e vistosa (pero tacticamente menos traballada) obtivo peores resultados (aínda que eu quedo con esta última). Tamén é certo que Polonia e Austria xa hai tempo que non sacan talentos coma os dos setenta.