Que será, será…?
Comeza a liga 2007-2008 traendo esa emoción que nos fai falta para superar a semana laboral e a Rajoy dicindo tonterías no telediario. Os Fournieur faremos en breve de pitonisos e vos ofreceremos as nosas prediccións para o vindeiro ano. Entrementres a análise da liga tráenos un derby madrileño marcado polas fichaxes cargadas de ambición no Atleti e de tolería no caso merengón (aínda que non exentos de calidade e non digamos se ven Alves). Dado o sino maldito do pupas da competición española e a maxia negra que Calderón e Mijatovic imprimen á casa blanca o esperable sería un empate sen descartar a victoria de Schuster.
O Barcelona debería ter un comezo plácido no Sardinero contra o Racing, que apunta a volver ser equipo revelación, consciente de que o seu verdadeiro inimigo reside no Nou Camp. A xestión da plantilla no psicolóxico, a especialidade de Rijkaard, e no físico, dígase o que se diga falta algún xogador, serán as claves.
O Sevilla volverá amosar a súa profesionalidade a proba de bombas e vencerá sen problemas ao Getafe que, de seguro, non terá problemas para manterse. Os aspirantes valencianos Vilarreal e Valencia xogan no outro encontro de rivalidade rexional que máis ben parece un partido entre a selección española e un combinado sudamericano. Ambos poden chegar lonxe na competición europea pero os grandes tápanlle o paso.
Outro chamado a facer grandes cousas nas copas, non insinúo ningunha capacidade etíhilica inusual, é o Zaragoza que reforzou ben o equipo co diñeiro do pequeno Milito. Enfróntase a un Murcia que foi o mellor que se reforzou dos recén ascendidos e pode dar moita guerra aos maños.
Seguimos de derbys polo sur. Un Recreativo que dificilmente repetirá o do ano pasado e un Betis que garantizará sonecas e bostezos no Ruíz de Lopera están condenados ao empate ao cero. Espanyol e Valladolid prometen moito máis espectáculo dado o cariz ofensivo dos seus entrenadores e a pesar da evidente diferencia de calidade das plantillas. Levante e Mallorca, como actores secundarios ou terciarios desta farsa futbolística, ofrecerán un encontro igualado que en base ao oficio levarán os baleares.
E o Dépor… non vas falar do Dépor? Partindo da base de que xa me parece miragreiro o feito de que aguanten na competición coas súas inmensas débedas e cunha estrela lesionada partíndose os dentes por xogar coa mascota e que recoñece que é un pallaso o triunfo é participar. O Almería, que se reforzou ben, será un rival para eludir o descenso.
No referente ao comentario sobor Guardado (tocáchesme a fibra sensíbel). Seguro que lembrarás a vez cando Busquets se “lesionou” na casa queimándose as palmas das mans, e dixera que fora de noite, que a súa muller estaba a pranchar e nese intre caeulle a prancha cando pasaba por embaixo o cativo, e Busquets estaba ollo avizor e colleu a plancha cas mans. Non hai deus co creera. Sen embargo Guardado se parte os piños tentando subirse a un columpio co seu can, surrealista total, pero podía buscar calqueira excusa, accidente caseiro e santas pascuas, pero non, o tipo non só o conta tal como aconteceu, senón que o fai sorrindo e posando para as fotos tapando os buratos dos dentes ca lingua en plan cachondeo. Iso é ser un pallaso, pero dos que se rin de sí mesmos. E ademais bo xogador.
Aquí tiñamos a un tal Romero que unha vez causou baixa porque se lle ocurriu coller unha serpe ca man no aeroporto e lle chantou nun dedo. O mesmo día do mesmo mes pero do ano seguinte “lesionouse” ao caer da bici para esquivar a un can. Este tamén era un pallaso, pero máis soso que dios e un pésimo futbolista.
Perdón pola chapa. Saúdos.